Rooney sei la joga ho Manchester United hosi hasoru PSV

Rooney, nebe lezionadu, falla iha vizita ho Manchester United hasoru PSV Eindhoven.

 

Foto: Geoff Caddick


Manchester United fó sai ona iha loron-segunda ne'e katak avansadu Wayne Rooney sei la joga iha Holanda, ha jogu loron-tersa hasoru PSV Eindhoven, iha jornada dahuluk hosi faze grupu sira iha Champions League.

Internasionál inglés, nebe foin lalais ne'e halo rekord ba golu hosi nia selesaun (50), nebe uluk pertense ba Bobby Charlton, la tama iha opsaun hosi treinadór Louis van Gaal hasoru Liverpool tanba lezaun. Iha jogu ne'e ‘red devils’ mana'an ho 3-1, iha jornada dalima hosi liga ingleza.

"Nia lezionadu hela, tanba ne'e ami tenki haree nia. Nia hanesan importante tebes mai ami no ha'u lakohi atu lezaun ne'e aumenta", tékniku holandés ne'e hatete maibé la fó sai gravidade hosi Rooney nia lezaun.

Wayne Rooney, nebe kumpri époka 12 iha United, kaer daudaun brasadeira kapitaun ‘red devils’ nian, aponta ona golu tolu iha jogu neen nebe hala'o ona iha temporada ne'e.

@ SAPO Desporto