Szczesny sai reforsu Roma nian

Jogadór ne’ebé empresta hosi Arsenal.

 


Foto: EPA/GERRY PENNY
Szczesny deixa Arsenal


Roma, vise-kampeaun italiana futeból, horibainhira fó sai iha ninia sítio ofisiál katak, kontratasaun guarda-redes polaku Wojciech Szczesny, ho tinan 25 ne’ebé empresta hosi Arsenal, liga ingleza, iha tinan ida.

 

Hafoin reprezenta klube londrino durante tinan sia, jogadór agora sei ba koko kampeonatu italianu.


“Ha’u mai iha Roma ne’e atu manán jogu no troféu sira. Ekipa iha potensiál boot. Ha’u koñese ekipa no ha’u-nia kompañeiru foun sira, ha’u fiar katak sei integra aan lalais”, dehan jogadór iha aprezentasaun ofisiál.


Iha klube romanu, Szczesny sei luta ba titularidade ho veteranu sira Morgan De Sanctis no Bogdan Lobont, tinan 38 no 37.


‘Giallorossi’ maka hanesan formasaun ne’ebé konvida hosi Sporting ba ninia aprezentasaun ba sósiu sira, iha loron-Sábadu.


SAPO TL ho SAPO Desporto