"Blatter hanesan kanibal ida nebe han aman-inan sira no tanis"

Bilionáriu súl-koreanu hakarak konkore ba prezidénsia FIFA.

 

AFP@ Ed Jones


Súl-koreanu Chung Mong-Joon deklara ona katak hakarak konkore ba prezidénsia FIFA nian no aprovaita mós lansa "farpa" ba Joseph Blatter ho Michel Platini. Iha entrevista ba AFP, antigu visi-prezidente FIFA nian no magnata hosi grupu Hyundai konfirma ona katak sei aprezenta formalmente nia kandidatura iha semana oinmai.

"Durante tinan hatt ne'e ha'u hein katak bele kumpri ha'u nia objetivu sira no halo FIFA hanesan ONG loloos ida desportu nian - nakloke, transparente, moral, étiku no globál tebes", nia esplika.

Michel Platini, prezidente UEFA nian, asumi ona nia hanoin hodi troka Blatter, maibé Mong-Joon la fó valór ba kandidatura hosi fransés: "Platini di'ak ba futeból, maibé karik nia bele sai hanesan prezidente di'ak ida FIFA nian? Ha'u hanoin la'e. Nia hanesan produtu ida hosi sistema atuál FIFA nian".

Liafuan maka'as sira Mong-Joon rai ba Joseph Blatter, atuál prezidente hosi organizmu nebe kaer futeból mundiál. "Prezidente Blatter hanesan kanibal ida nebe han aman-inan sira no hafoin ne'e tanis tanba sai órfaun. Fó sala ba ema hotu maibé la fó ba nia aan rasik. Karik ema hili ha'u, ha'u sei tenta lori transparénsia no dezenvolvimentu. Ha'u sei tenta halakon korupsaun", nia hatete.

@SAPO Desporto