Federasaun Ingleza apoia Platini

Aktu eleitorál maka ba 26 fevereiru 2016.

 


Foto: Lusa
Michel Platini


Prezidente Federasaun Ingleza Futeból (FA), Greg Dyke, fó sai horisehik kona-ba ninia apoiu ba kandidatura Michel Platini, atuál líder UEFA, ba eleisaun prezidénsia FIFA nian.


“Ami sente kontente tebes ho señór Platini ne’ebé desidi ona atu aprezenta ninia kandidatura. FA apoia nia”, afirma Greg Dyke iha komunikadu ne’ebé publika iha pájina Federasaun Ingleza iha internet.


Dirijente inglés dehan atu manten ho Michel Platini, ne’ebé ofisializa ohin ba ninia kandidatura prezidénsia FIFA nian, “relasaun di’ak ida” no nia dehan hein katak nia sei konsige “halibur hamutuk apoiu ne’ebé nesesáriu hodi sai lideransa” hosi orgaun másimu futeból mundiál “iha momentu difísil hosi ninia istória”.


Dike laiha dúvida katak sei atu iha kandidatu oioin no tama ba debate ida “maka abranjente”, dehan “labele hanoin la vale dezafiu ne’ebé konstitui hodi lidera organizasaun ida ne’ebé korrupta tebes”, hanesan estrutura tenke “haree hikas fali no altera”.


“Ita sei haree oinsa maka señór Platini ninia reasaun ne’ebé sei hatudu, maibé ha’u la laran rua-rua no sei apoia nia iha prosesu reforma ne’ebé FIFA presiza”, dehan Dike, katak nia fó apoiu prínsipe jordanu Ali Bin Hussein hanesan kandidatu ba eleisaun ne’ebé hala’o ona iha fulna-Maiu liu ba ba prezidénsia FIFA nian.


SAPO TL ho SAPO Desporto