Arsenal konkista Emirates Cup

Gunners manán Wolfsburgo.

 

 

 

Foto: SAPO Desporto

Theo Walcott marka úniku golu

 

Arsenal ohin konkista Emirates Cup, torneiu partikulár futeból ne’ebé organiza hosi klube londrinu, hafoin manán alemaun sira hosi Wolfsburgo 1-0.

 

Golu solitáriu ida hosi Theo Walcott, minutu lima hafoin hodi kontinua, garante vitória klube inglés iha quadrangulár ne’e, ne’ebé hetan mós ho fransés Lyon no españól hosi Villarreal.

 

 ‘Gunners’, ne’ebé iha loron sábadu manán Lyon 6-0, ikus mai manán troféu grasa ba númeru boot golu sira ne’ebé marka ona (hitu), sira ikus mai hetan nafatin ho pontu hanesan ho Villarreal (ne’ebé marka golu haat).

 

Iha sábadu foin lalais ne’e, Villarreal mós manán Wolfsburgo, 2-1, ohin halakon Lyon 2-0.

 

Iha jogu ohin ninian, Vieirinha sai titulu Wolfsburgo, sai ba intervalu. Hosi Lyon, guarda-redes portugés Anthony Lopes, sai nu’udar ‘nain’ hosi baliza klube fransés, la joga.

 

SAPO TL ho SAPO Desporto