Prezidente Barcelona dehan plantel taka ona

Josep Maria Bartomeu konsidera plantel Luis Enrique "kompletu no ekilibradu".

 


Prezidente FC Barcelona, Josep Maria Bartomeu, fó sai horisehik katak plantel klube españól futeból taka ona, treinadór Luis Enrique fó sai tan katak nia kontente ho jogadór sira ne’ebé iha ninia dispozisaun.


“Ekipa kompletu ona. Ita iha plantel ida ne’ebé kompletu no ekilibradu, atu ita bele luta hodi hetan títulu hothotu ne’ebé sei joga. Alén ida ne’e, tékniku Luis Enrique sente kontente tebes ho jogadór sira”, afirma prezidente klube ‘blaugrana’, ne’ebé eleitu iha sábadu kotuk hodi diriji dalan FC Barcelona nian ba tinan neen tan.


Josep Maria Bartomeu, ho tinan 52, afirma tan katak laiha koñesimentu ofisiál kona-ba jogadór ‘culés’ nian sai, ezemplu Pedro Rodriguez, maski akresenta ona katak, atu ema balun sai hosi klube, kláuzula resisaun atleta nian tenke nakloke.


FC Barcelona ne’ebé iha sidade norte-amerikana São Francisco, ne’ebé sei ba hasoru iha loron-sábado inglés sira hosi Manchester United, hodi konta ba International Champions Cup, torneiu pré-époka ne’ebé akolla hosi nasaun hitu no sei joga hadau malu iha ho ekipa 15, inklui Benfica.


SAPO TL ho SAPO Desporto