Chile halakon Arjentina no manán Kopa Amérika

Arjentina lakon iha finál iha tinan rua tuituir malu, hafoin lakon finál Mundial2014.

 

 

Chile maka sai kampeaun hosi Kopa Amérika, hodi manán Arjentina 4-1 iha marka penalidade, hafoin hala’o tiha jogu futeból iha minutu 120 ne’ebé laiha ekipa ida maka marka golu. Penálti ikus liu xuta hosi Alexis Sanchez, “Panenka” ne’ebé halo Estádio Nacional de Santiago do Chile atu sai bulak. Vitória dahuluk hosi selesaun chilena iha kompetisaun ne’ebé sai hanesan nasaun 8 manán ba prova. Messi lakon nafatin iha ba Kopa Amérika maski sai hanesan únku arjentinu hodi konverte penalidade boot.

 

Ekipa rua to’o iha finál ho vitória lahanesan: Chile sofre ba Perú 2-1 enkuantu Arjentina "atropelou"ka hatún Paraguai, ho 6-1. Arjentina koko atu manán prova, hafoin liu tiha tinan 20 hosi primeiru triunfu, chilenos buka ninia primeira Kopa Amérika.

 

Iha konfrontu ne’e mós reedisaun finál iha tinan 1955, manán hosi Arjentina 1-0, iha finál mós hala’o iha Chile. Chilenos buka atu sai primeira vitória hasoru Arjentina iha Kopa Amérika, iha kompetisaun ida ne’ebé lakon 19 hosi jogu 24 liu ba hasoru arjentinu sira, empata jogu lima.

 

Se Garay maka la aleza, Tata Martino atu hili veteranu Martin Demichelis hodi joga iha Otamendi nian sorin iha sentru defeza Arjentina, nia ne’ebé joga ona ba meia-final. Hosi Chile, laiha novidade ida hosi parte Jorge Sanpaoli, arjentinu ne’ebé komanda selesaun Chile.

Iha jogu eletrizante, hala’o jogu ho ritmu ida ne’ebé aas, primeiru sinál perigu maka pretense ba Chile, iha remata ida hosi Alexis Sanchez ne’ebé Romero defende ho difikuldade, iha minutu 11. Arjentina responde golpe kabesa hosi Aguero ne’ebé Claudio Bravo kaer derepenti, iha minutu 21.

 

Messi, estrela Arjentina, hasoru difikuldade iha jogu ne’e. Jogu ne’ebé maka’as tebes, maka’as liu ba jogadór chilenos, sira haree hosi árbitru kolombianu Wilmar Roldan. Sempre aselera, ne’ebé trava hosi chilenos.

 

Tata Martino lakon Di Maria iha jogu minutu 30. Estremu ne’ebé halo arrankada boot, bele liu ema nain tolu maibé sente moras iha ninia kelen no husu atu sai. Hetan lezaun hanesan ne’ebé lakon hosi finál Mundial2014. Lavezzi tama besik halo golu 1-0 iha minutu 45 maibé Bravo defende nafatin... lahusik golu ba estremu arjentinu.

 

Iha tempu daruak Chile hadi’a ninia jogu, presiona liutan Arjentina no kria situasaun perigu barak hosi baliza Romero. Alexis Sanchez, maka perigozu liu, nia koko marka golu barak maka laiha susesu. Arjentina, hetan difikuldade barak liu tan no nunka halo kontra-atake maka’as. Tempu liu daudaun, jogadór arjentinu kolen, tanba sira sei sente difikuldade barak hodi trava chilenos no manán duelos individuál.

 

Iha jogu ne’ebé hala’o ho fuan duke ho uza ulun (pasa bola barak maka falla iha parte hothotu, luta barak, konfrontu fíziku barak), Arjentina sei halo oportunidade di’ak hodi marka, iha lanse iuda hosi Messi ne’ebé iha Lavezzi parte direita. Kruzamentu hosi jogadór PSG tama liu ba rede laran, Higuain (tama troka Aguero) haka’as aan maka’as ba bola maibé la konsege hatama ba rede laran. Ida ne’e minutu 91, tuir lolos atu sai hanesan golu vitória nian.

 

Pela primeira vez iha edisaun ne’e hosi Kopa Amérika presiza hanaruk tan tempu (só finál hosi prova ne’ebé iha tempu estra). Chilenos, sai fresku liu tan (Sira deskansa liu loron ida) no sira nia fiziku maka’as, kontinua instala iha meiu-kampo arjentinu, ne’ebé tama ba públiku ne’ebé nakonu iha Estádio Nacional de Santiago do Chile. Iha parte finál primeira parte, Alexis Sanchez hetan oportunidade di’ak hafoin falla hosi Mascherano maibé falla tiha. Ho 0-0 iha minutu 120, presiza halo markasaun kastigu máximu.

 

Iha penalidade, Higuain no Banega falla. Chile marka penalidade haat (no lapresiza halo marka ikus nian) hosi Vidal, Matias Fernandez, Aranguiz no Alexis Sanchez no halo sira manán kampesaun Kopa Amérika primeira vez. Messi maka sai hanesan arjentinu úniku hodi konverte penalidade. Arjentina lakon iha finál rua tuituir malu, hafoin lakon iha finál Mundial2014 hosi Alemaña.

 

SAPO TL ho SAPO Desporto