"Cavani? Se ida ne'e maka hasoru ha’u, ha'u halo kedas reasaun"

Selesaun uruguaia horisehik fila hikas ona ba ninia nasaun hafoin lakon iha Kopa Amérika.

 

 

Foto: Claudio Reyes

Jara provoka Cavani

 

Tékniku uruguaiu, Oscar Tabárez halo ninia komentáriu horisehik, hodi duni sai Cavani iha jogu ho Chile, hafoin halo reasaun hasoru provokasaun ida hosi Jara.

 

“Laiha justifikasaun, maibé ha’u kompreede. Se ida ne’e akontese ho ha’u, ha’u halo reasaun. No hahalok ida ne’e maka akontese hasoru mós ema seluk hanesan de’it, bainhira halo bebeik hanesan ne’e ba buat ne’ebé akontese ona iha kampo laran, sei afeta maka’as iha profisionalizmu”, esklarese tékniku bainhira Montevideu to’o, kapitál Uruguai.

 

Tabárez hatutan tan katak  ema ne’ebé sei hetan kastigu maka “jogadór ida ne’ebé provoka ema ne’e”.

Fó hanoin katak Uruguai ne’ebé elimina ona hosi Kopa Amérika hodi lakon ho Chile 1-0 iha kuartus-finál kompetisaun. Cavani hetan kartaun kinur daruak iha tempu komplementár tanba provoka hosi Jara, ne’ebé Cavani hatudu liman fali ba Jara nia kidun.

 

SAPO TL ho SAPO Desporto