Luisa dos Santos Rosa fó medalla osan-mutin ba Timor-Leste iha SEA Games

Atleta timoroan Luisa dos Santos Rosa iha findesemana ne’e manán, iha final kategoria menus hosi kilu 49 taekwondo, medalha osan-mutin dahuluk iha tinan ida ne’e ba Timor-Leste iha Southeast Asian Games, iha Singapura.

 


Hafoin halakon kambojana Chantheary Chem no singapurense Nur Fadzlyn Binte Mohd Zahruddin, Rosa, tinan 22, tama to’o finál, ne’ebé lakon hasoru atleta tailandeza Chanatip Sonkham.


Pugilista timoroan Henrique Borges Pereira konsege hetan medalha dahuluk ba Timor-Leste, bronze ida, iha kategoria ho todan meio-médio, iha Southeast Asian Games.


Iha edisaun uluk ninian, Timor-Leste, ne’ebé partisipa hahú hosi tinan 2003, manán medalhas 24, inklui osan-mean tolu, osan-mutin haat no bronze 17, destaka iha artes marciais.


Timor-Leste manán medalha dahuluk sira iha 2005 (bronze tolu) iha kompetisaun arnis, arte marcial tradicional ida ne’ebé mai hosi Filipinas, nasaun nebe sai hanesan uma-nain hosi edisaun ne’e.


Iha tinan 2009, Timor-Leste hetan tan bronze tolu, iha boxe, karate no taekwondo, iha tinan 2011 delegasaun timoroan manán medalla hitu, osan-mean ida, osan-mutin ida no bronze haat, no mós iha kenpo, no bronze ida iha taekwondo.


Iha tinan 2013 ekipa timoroan kenpo manán osan-mean ida iha modalidade refere.


Tabela medalla sira ne’ebé lidera hosi Tailándia, ho 234, hosi hirak ne’e osan-mean 87, tuir Singapura ho medalhas 252 maibé ho de’it osan-mean 82.


SAPO TL ho Lusa