Timor-Leste empata ho Malázia iha kualifikasaun ba futebol Mundiál 2018

Iha enkontru tuirmai, Timor-Leste sei joga iha "uma" maibé tenki halo iha Shah Alam Stadium, iha Malázia, tanba Estádiu Munisipál Díli nian laiha kondisaun adekuadu sira.




 

Timor-Leste konsege halo empata iha momentu ikus hasoru Malázia ba bola ida iha jogu dahuluk ba kualifikasaun futebol Mundial 2018.

 

Remata kabesa Roman de Lira Saro nian, brazileiru naturalizadu ba timoroan, iha sekuénsia hosi ida livre iha tempu deskontu nian fó sinál esperansa ida ba selesaun timoroan, loron haat oinmai joga hasoru Emiradus Árabes Unidus.

 

Malázia maka marka uluk hosi Safee Sali nia jogu, iha minutu 34, mantein rezultadu bainhira to'o apitu lian ba jogu nia rohan.

 

"Ami laiha tempu atu prepara ba enkontru ida ne'e. Treinu loron tolu de'it. Tebes duni ami kontente tebes", hatete hosi treinador Fábio Joaquim Magrão. Magrão defende desizaun hodi konvoka jogadór oioin ne'ebé moris iha Portugal ho Brazil no naturalizadu iha Timor-leste, nia konsidera katak ne’e hanesan "planu ida ba tempu naruk iha Timor-Leste tanba laiha liga nasionál".

 

Iha enkontru tuirmai, Timor-Leste sei joga iha "uma" maibé tenki halo iha Shah Alam Stadium, iha Malázia, tanba Estádiu Munisipál Díli nian laiha kondisaun adekuadu sira.

 

Nune'e Timor-Leste sei kontinua la lakon iha kampaña istóriku iha kualifikasaun ba futebol Mundial 2018, motivadu hosi "hakat" ida nebe lahó presendente sira iha ranking FIFA nian tanba vitória rua iha ronda pré-kualifikasaun ba grupu sira, hasoru Mongólia (4-1 no 0-1), iha fulan-Marsu.

 

Rezultadu ne'e sira hetan entusiazmu tebes iha Díli no lori Timor-Leste fó tan hakat ida hosi pozisaun 182 ba pozisaun 151 iha ranking. Agora selesaun ida iha planeta nebe ladún iha esperiénsia no ladún iha susesu tama iha grupu A hosi faze daruak ba apuramentu aziátiku hamutuk ho Emiradus Árabes Unidus, Arábia Saudita, Palestina no Malázia.

 

Arábia Saudita partisipa tiha ona iha mundial haat, Emiradus Árabes Unidus to'o semifinal AFC Asian Cup (nebe Timor-Leste kompete dala ida) no Malázia ho Palestina iha esperiénsia internasional nebe barak.

 

Molok vitória sira iha fulan-Marsu ho Mongólia, selesaun timoroan rejista ona rezultadu sufisiente, ho destake ba vitória iha ronda pré-eliminar ba kualifikasaun AFF Suzuki Cup iha 2012, hela ho pontu ida dook hosi kualifikasaun.

 

@SAPO Desporto