Zico kandidata aan ba prezidénsia FIFA

Antigu futebolista brazileiru Zico horisehik fó sai katak sei kandidata aan ba prezidénsia FIFA, hodi troka Joseph Blatter, maibé nia dehan katak sei la halibur apoiu sira ne’ebé nesesáriu ba ninia eleisaun.

 

 

"Ha’u hakarak konfirma desizaun ne’ebé atu sai kandidatu ba FIFA iha eleisaun oin mai. Ha’u sente katak ha’u bele. Klaru katak iha regra balun maka tenke muda", deklara iha konferénsia imprensa ida ne’ebé hala’o iha sede Confederação Brasileira de Futebol (CBF), iha Rio de Janeiro.

 

Iha semana kotuk, Joseph Blatter rezigna aan husi prezidénsia FIFA, kargu ne’ebé okupa dezde tinan 1998, hafoin tanba eskándalu korrupsaun ne’ebé doko organizmu máximu futeból nian, no husu atu halo kongresu estraordináriu ida ba eleisaun hosi susesór ida.

 

SAPO TL ho Lusa

tags: ,