Adeptu sira halo festa simu hasoru Barcelona

Ekipa catalã manán Liga Kampeaun ba dala lima

 

 

Foto: Lusa

Adeptu sira simu kampeaun europeu

 

Halo festa tanba manán Liga Kampeaun futeból ba dala lima nian hosi FC Barcelona horisehik to’o ba sidade catalã, ho adeptu rihun maka simu kampeaun iha dalan sira no iha Camp Nou, desde kedas ohin kalan.

 

Bandeira barak, cachecóis no kamizola 'blaugrana', ho mós confettis, halo festa ne’e sai kor oioin no sai hanesan ekipa boot liu iha sidade, iha loron sábadu halakon Juventus, 3-1 iha finál Berlim.

 

"Kampeaun, tuir 'triplete', ami kontinua hakerek istória", bele hetan iha laterál autocarro jogadór sira nian, ne’ebé hala’o iha sidade hodi ba estádiu klube nian. Iha kareta oin, tau troféu tolu ne’ebé manán ho susesu iha époka ne’e: 'Champions', Liga espanhola no Taça do Rei.

 

FC Barcelona susar tebes atu konsege hetan 'triplete' iha 2009, agora maka primeira ekipa ne’ebé halo ba dala rua ninian. Importánsia iha kamizola adeptu sira nian, ne’ebé bele hetan hamutuk 'triplete' iha kostas, hamutuk ho númeru.

 

'Orgull de campions' sai hanesan espresaun ida ne’ebé bele haree iha kamizola adeptu sira nian, tanba ba dala tolu sira halo festa, ho de’it fulan ida nia laran.


Remata époka ne’e espesiál liu atu fó sai kona-ba krize ne’ebé akontese iha fulan Janeiru, bainhira labele subar relasionamentu ne’ebé ladi’ak entre treinadór, Luís Enrique, no prinsipál estrela, Lionel Messi.

 

Ekipa ne’e halo dook tebes iha klasifikasaun rival Real Madrid, maibé iha tempu primavera buat hotu rekupera fali no 'Barça' taka époka ne’e ho taças tolu no impresionante rejistu iha vitória 60 iha jogu 70.

 

Ohin, Messi maka adeptu no turista barak maka buka nia, hodi liu ho autocarro nakloke, maibé mós festeja Xavi, kapitaun ne’ebé atu sai hosi Catalunha ba kontratu hodi ba hala’o nina karreria iha Qatar.

 

Neneik tebes hodi halo marxa autocarro, ho ema rihun atus iha dalan hodi haree, liu liu Rambla nian, hamutuk ho Caneletas, Piqué, Neymar, Suarez nomós vedetas 'onze' azul grená la para hodi halo festa ho ema barak.

 

SAPO TL ho SAPO Desporto