Casillas: "Ha’u hanoin sei la sai hosi Real Madrid"

Internasionál españól fiar katak sei kontinua iha Real Madrid iha tinan oin mai.

 

 

Foto: Lusa

Iker Casillas halo asaun kontra Deportivo da Corunha

 

Guarda-redes Real Madrid horisehik fó sai katak hakarak kontinua iha emblema 'merengue' no afirma katak ninia intensaun atu remata ninia karreira iha Santiago Bernabéu.

 

Iha deklarasaun ba programa 'El Larguero' hosi rádio Cadena Ser, Iker Casillas afirma katak krítika kona-ba tinan liuba maibé la afeta ba nia.

 

"Iha tinan oin mai ha’u sei sai nafatin baliza. Ha’u la hanoin atu sai hosi Real Madrid, ha’u dehan dala barak katak ha’u hakarak remata karreira iha ne’e. Ha’u sente katak ba ha’u iha planu di’ak, ha’u haree ba ha’u nia aan forte no ha’u hakarak objetivu. Se buat hotu la’o la di’ak ha’u tenke sai maibé ha’u sente di’ak hela", afirma Iker Casillas.

 

"Sergio Ramos no Cristiano Ronaldo nu’udar pilár fundamentál rua hosi ekipa maibé sira la manipula balneáriu", hatutan kapitaun Real Madrid.

 

Kona-ba Ancelotti ne’ebé sai ona, Casillas deseja susesu tomak ba tékniku italianu no agradese "buat hotu ne’ebé nia halo ona ba ekipa".

 

SAPO TL ho SAPO Desporto

tags: