Mascherano: "Ami tenki halo jogu ida perfeitu"

Médiu hosi Barcelona alerta ona ba importánsia hodi mantén konsentrasaun tomak iha enkontru daruak ho Bayern.


AFP@ Pierre - Philippe Marcou


Javier Mascherano, jogadór hosi Barcelona, projeta ona enkontru daruak ho Bayern no nia hatutan katak, atu bele to'o iha finál iha Berlin, tenki mantén konsentrasaun tomak.

"Karik ami bele "triplete"? Ami besik hetan ona títulu sira maibé mós bele lakon. Ami tenki jere buat hotu ho hakmatek: sala ida hetan kastigu maka'as no prémiu boot hosi jogu ne'e maka importante liu", arjentinu ne'e hatutan iha konferénsia imprensa.

Ekipa katalaun iha jogu daruak ne'e iha vantajen ida 3-0, maibé Mascherano hametin ideia ida katak seidauk mana'an buat ida: "Atu ami bele ba Berlin ami tenki halo jogu ida perfeitu. Bayern sei eziji maka'as hosi ami".

Bainhira hatán kona-bá momentu forma atuál hosi Messi, kompatriota "Pulga" nia hatete katak importante maka...defruta. "Ha'u hanesan "messista" liu hodi kompara [nia momentu sira forma nian]. Ne'e maka di'ak liu. Ha'u hakarak maka defruta no ha'u lakohi komparaoinsá nia uluk no agora".

Bayern ho Barcelona hasoru malu iha loron-tersa ne'e ba jogu daruak iha semi finál Liga Champions nian.

@SAPO Desporto