Cristiano Ronaldo la marka golu iha vitória Real Madrid nian hasoru Almeria

Cristiano Ronaldo ohin dadeersan la marka golu iha vitória Real Madrid 3-0 hasoru Almeria, 34.ª jornada Liga española futeból, iha jogu ida ne’ebé ekipa 'merengue' joga la hó titular nain hitu ne’ebé bainbain tama iha jogu.

 

 

Krake portugés bele keixa hosi infelisidade balun iha finalizasaun, haree katak, iha golu daruak no datoluk hosi Real Madrid, nia iha fatin lolos atu marka, maibé iha momentu ikus nian defeza Almeria Dos Santos antesipa no marka rasik golu ida no ninia kolega Arbeloa se ain no kona iha bola tama ba rede laran bainhira Ronaldo mosu mai atu halo duni golu ida ba kruzamentu hosi Chicharrito.

 

Seluk, Cristiano Ronaldo halo jestu barak ne’ebé nia sai baruk ho buat ne’ebé akontese, hafoin golu rua.

 

Real Madrid akuza auzénsia hosi titulár bainbain nain hitu -- Casillas, Sérgio Ramos, Carvajal, Marcelo, Modric, Benzema no Gareth Bale – balun tanba hetan lezaun, balun seluk kastigu ka opsaun téknika Carlo Ancelotti, no sira halo jogu ida ne’ebé ladi’ak, maski nune’e sei sai sufisiente atu halakon ninia modestu adversáriu.

 

Só atu ntervalu maka Real Madrid konsege marka golu, iha momentu inspirasaun hosi James Rodriguez, ho remata bola ida ne’ebé la prepara aan hosi área liur, vantajen ne’ebé konsolida iha segunda-parte, iha minutu 49, ho marka autogolu ida hosi Dos Santos, no iha minutu 84, hosi Arbeloa.

 

Ho vitória ida ne’e, Real Madrid hetan pontu 82, hela de’it pontu rua atu toman FC Barcelona, ne’ebé horisehik manán Getafe 6-0, iha Camp Nou.

 

Iha jogu rua seluk ne’ebé ohin hala’o 34ª jornada, Sevilha ba iha Eibar nian kampo hodi manán 3-1, enkuantu Celta de Vigo halakon Málaga 1-0, grasa ba golu ida hosi eiz-benfiquista Nolito, iha minutu 89.

Hosi formasaun Málaga ne’ebé aliña internasionál portugés Ricardo Horta no Duda, sira na’in rua ne’ebé substitui ba minutu 61 no 65, hosi Samu Castillejo no Juanmi.

 

Sevilha manán iha formasaun basca nia kampo, destake ba ezibisaun kolombianu Carlos Bacca, maka marka golu rua dahuluk no asisténsia ba terseiru, autoria hosi eiz-benfiquista, José António Reyes.

 

SAPO TL ho Lusa

tags: