Blanc:”Ibrahimovic gosta halo jogu ida hanesan ne’e”

Treinadór PSG dehan katak ninia ekipa iha misaun ida ne’ebé komplikadu tebes iha Barcelona, hodi fila tiha desvantajen golu rua nian hosi Paris.

 

 

Foto: FRANCK FIFE

Ibrahimovic, avansadu sueku PSG

 

Laurent Blanc la hanoin atu halo vingansa hasoru katalaun sira, maibé mós la tauk ho tridente Messi, Neymar no Suarez:” Ha’u la gosta liafuan ida ne’e.

 

Buat ne’ebé ita presiza atensaun maka ba atake tridente Barcelona nian maibé laiha buat ida subar kona-ba ida ne’e. Barcelona hanesan klube ne’ebé maka’as, kona-ba ida ne’e ema hotu hatene, iha jogadór sira ne’ebé sei sai rekorda iha tinan barak, meski hafoin husik hela futeból. Diferensa maka Barcelona sai ona hanesan klube ne’ebé maka’as no PSG harii daudaun atu sai klube ida ne’ebé maka’as.”, afirma.

 

Tékniku fransés ne’ebé sai hanesan jogadór Barcelona iha tinan 90, hatutan liu tan kona-ba attitude ne’ebé nia sei husu ba ninia jogadór sira:” Ita hatene katak sei sai hanesan tarefa ida ne’ebé susar. Ami laiha tempu barak atu ami prepara aan maibé ami fiar katak sei hetan oportunidade atu marka golu barak. Ami la kohi lakon no ami fiar katak ami bele hatudu hanesan ekipa ida ne’ebé di’ak liu duke ami hatudu iha jogu primeira mão”.

 

Ho Ibrahimovic ne’ebé sei fila hikas ba jogu, Blanc fiar iha esperiénsia no jogu liu ba ne’e la’ós de’it sueku maibé mós brazileiru Maxwell, sira nain rua hanesan eis-jogadór “culés”: “Ibrahimovic no Maxwell joga iha Barcelona no kona-ba lala’ok klube nian. Ida ne’e maka importante liu ba ita. Ibrahimovic hanesan jogadór ida ne’ebé fiar aan maka’as no gosta jogu ida hanesan ne’e ami laiha razaun dehan atu lakon. Ami bele koko tanba ami lahanesan ona iha jogu ida liu ba ne’e. Importante maka ami iha avansadu sira ne’ebé di’ak no, iha jogu ida ne’e, jogu liu ba ita laiha Ibrahimovic”, nia hakotu.

 

Barcelona no PSG sei joga aban madrugada tuku 03:45 otl , iha Camp Nou.

 

SAPO TL ho SAPO Desporto

tags: