Timoroan sira selebra vitória selesaun nian iha abertura kualifikasaun Mundiál2018

Timoroan rihun resin ohin selebra, iha Díli, vitória 4-1 selesaun nasionál nian hasoru Mongólia iha jogu ronda kualifikasaun dahuluk nian ba Mundiál2018.


Hanesan ho jogu abertura ba mundiál sira seluk, selesaun uma na’in iha enkontru dahuluk hahú ho golu rua iha minutu 10 dahuluk husi Chiquito, no tuir mai husi Jairo Neto iha minutu 67, ne’ebé marka golu dahaat.

Estádio Municipal Díli ladún iha fatin hodi simu adeptu barak, ho bankada rua nakonu no ema barak maka hamriik, balun kaer iha rede ne’ebé haleu estádio ka tabele iha ai-rin iluminasaun nian.

Membru Governu barak maka akompaña iha enkontru ne’e, inklui ministru Estadu no Koordenadór ba Asuntu Sosiál no Ministru Edukasaun, Fernando La Sama de Araújo, no ministru Turizmu, Arte no Kultura, Francisco Kalbuady Lay, nebe kaer mós knaar nu'udar prezidente ba Federasaun Futebol Timor-Leste nian.

Timor-Leste nia vitória, ekipa ne’ebé ataka liu, presiona bebeik baliza husi Ariumbold, iha faze final enkontru nian aumenta tan de’it golu rua iha minutu ikus, primeiru husi Rodrigo, iha minutu 89’, tuir mai husi Jairo Neto, iha minutu 90’.

Golu ‘onra’ husi selesaun Mongólia nian marka iha minutu daruak deskontu nian husi kapitaun ekipa Bayasgalangiin Garidmagnai.

Timor-Leste ho Mongólia ne’ebé loke ona ohin iha Estádio Municipal Dílli faze kualifikasaun nian ba Mundiál 2018, tama iha ekipa ne’ebé ladún iha esperiénsia iha planeta ne’e.

Selesaun rua ne’e to’o agora halo de’it enkontru ahmutuk 65, ho Mongólia iha esperiénsia liu nebe iha enkontru  internasionál dala 28, kontra dipustadu 27 ba Timor-Leste, hanesan nasaun joven liu iha selesaun FIFA nian.

Husi enkontru disputadu 27 husi selesaun timoroan nian, lakon 24, vitória rua no empate ida.

Estreia internasionál Timor-Leste nian iha ronda preliminar Asia Cup, iha marsu 2013, bainhira lakon 3-2 ho Sri Lanka no 3-0 ho Taipei. Vitória dahuluk iha 2012 de’it, ho 5-1 hasoru Camboja.

Treina husi portugés José Luís entre 2004 no 2006, husi kedas ne’ebá treinador nain hitu la hanesan- timoroan nain tolu no brazileiru nain haat – selesaun timoroan husi tinan ida ne’e treina husi brasileiru Fabio Joaquim Maciel da Silva.

“Ami halo jogu ida di’ak maske rai manas. Ami haree hela evolusaun kontnua ida iha jogador sira nia servisu no ida ne’e ohin sai patente tebes”, dehan treinador ba ajénsia Lusa hafoin enkontru ne’e.

Tuir tékniku brasileiru, “maioria husi ekipa mak labarik husi tinan 20 ka 22 no sira hatán di’ak tebes” ba estratéjia ne’e.

“Ami hein fó nafatin kontinuasaun ba servisu no buat hotu-hotu bele hadia”, nia afirma

Jogu ba daruak marka ona ba 17 marsu, iha Ulan Bator

ho Lusa