Timor-Leste ho Mongólia hasoru malu, iha Díli, iha jogu dahuluk kualifikasaun ba Mundial2018

Estádiu Munisipál Díli, ohin, sei hetan senáriu istóriku ida tanba simu dezafiu entre selesaun futeból Timor-Leste nian hasoru Mongólia, hanesan enkontru dahuluk ba faze kualifikasaun ba Mundiál2018 ne'ebé sei halo iha Rúsia.


 

Selesaun Mongólia, ne'ebé halo ona treinu iha loron rua ikus ne'e iha Díli, joga hasoru membru foun liu FIFA nian, Timor-Leste, nasaun ida ne'ebé iha tinan barak nia laran laiha liga profisionál futeból nian maski iha interese ne'ebé maka'as ba desportu ne'e.

 

Prosesu naruk durante tinan rua ho balun hodi hili finalista sira ba Mundiál tinan 2018 - ne'ebé kandidatu ona ekipa hamutuk 208 - hahú iha tuku haat loraik ohin iha Díli.

 

Timor-Leste sai nu'udar membru FIFA nian hahú tinan 2005, hanesan senáriu paixaun maka'as ba futeból, hanesan ezemplu iha ona konfrontu entre adeptu futeból sira nian bainhira joga Real Madrid-FC Barcelona, ka baibain mosu aposta maka'as iha jogu importante sira.

 

Kapitál ne'e iha ekipa istóriku rua Timor-Leste nian, Sport Dili e Benfica ho Sporting Clube de Timor maibé ofisiál laiha kampeonatu profisionál ida.

 

Iha tinan sira ikus ne'e iha alternativu maka Liga Benfica nian, torneiu ne'ebé iha edisaun datoluk hahú mós iha loron-kinta, hafoin jogu entre Timor-Leste ho Mongólia no tinan ne'e sei partisipa ekipa hamutuk 21.

 

Bernardo Correia Barradas maka kapitaun hosi Boavista de Timor-Leste, ekipa "portugés" ba torneiu "nebe aumenta tinan-tinan" no hakarak habelar kampeonatu ne'e ba distritu seluk.

 

"Hanesan edisaun datoluk. Tinan-tinan aumenta no ami hakarak halo mós iha fatin seluk", nia hatete ba ajénsia Lusa. Ohin iha ona jogu ida "akesimentu" nian maibé "entre belun sira": sé maka mosu iha Benfica tuku 21:45 bele joga.

 

Iha loron-kinta, iha jogu sériu, Timor-Leste sei hakarak hapara "jejun" iha jogu kualifikasaun sira ba Mundiál - lakon ona jogu haat - no buka repete susesu selesaun nian nebe, iha edisaun sira ikus ne'e, loke ona ronda kualifikasaun nian.

 

Estádiu Munisipál Díli hein simu ema rihun sanulu - iha loron ida ne'ebé Xanana Gusmão defende ona penalti hosi Eusébio - ne'ebé loron ne'e sei sai istóriku.

 

Jogu daruak markadu ona ba loron 17 fulan-Marsu iha Ulan Bator.

 

ho Lusa


tags: