COI lutu tanba atleta fransés sira nebe mate

Bandeira olímpiku sei hasa'e to'o iha klaran de'it hodi halo homenajen ba Florence Arthaud, Camille Muffat ho Alexis Vastine nebe mate.


Komité Olímpiku Internasionál (COI) senti "komovidu" no sei hasa'e de'it bandeira olímpiku nian to'o iha klaran durante loron tolu tuirmai tanba kampeaun fransés na'in tolu nebe mate iha asidente ida helikópetru nian, iha Arjentina.

 

Iha loron-segunda, velejadora Florence Arthaud, kampeaun olímpiku natasaun Camille Muffat no pujilista olímpiku Alexis Vastine mate, hamutuk ho ema na'in hitu sira seluk, bainhira helikópteru rua xoke malu bainhira semo hela, iha foho sira iha zona turístiku La Rioja, iha noroeste Arjentina nian, durante filmajen ba "reality show" ida.

 

"Ami senti komovidu ho notísia triste ne'e. Ami nia sentimentu hamutuk ho família no belun sira hosi atleta sira ne'e. Mundu desportu nian no família olímpiku lakon ona kampeaun na'in tolu", liafuan nebe hakerek iha COI nia komunikadu.

 

Iha sede organizmu nian, iha Lausana, Suisa, bandeira olímpiku sei hasa'e iha klaran de'it iha loron tolu tuirmai hodi fó homenajen ba atleta fransés na'in tolu.

 

@SAPO desporto