Polísia brazileira maka sei responsabiliza seguransa iha Jogos Olímpicos de 2016

Polísia brazileira maka sei sai responsável seguransa hodi kontrola Jogos Olímpicos do Rio de Janeiro, inklui fó protesaun ba estádio, fó sai governu brazileiru ohin, no polísia hirak ne’e duni maka sei troka seguransa privadu.



Foto: Nelson Almeida

 

Jogos Olímpicos de 2016 sei hala'o iha Rio de Janeiro

 

Ajente privadu 15.000 ne’ebé komité organizadór Rio2016 husu, ho orsamentu besik euros milloens 70, sei troka ho polísia. Númeru totál hosi elementu ne’ebé sei aloka ba, autoridade brazileira sira ladauk fó sai.

 

Durante Mundiál futeból, ne’ebé hala’o iha sidade brazileira 12, durante époka verasaun, Brazil tau ona ajente privadu 25.000 hodi garante seguransa iha estádio, hanesan polísia 100.000 no soldadu 50.000.

 

Iha Londres2012, kontrata ona empreza seguransa, maibé empreza refere lakonsege tau ninia ema to’o 10.400 hodi fó seguransa ba eventu refere.

 

Jogos Olímpicos do Rio sei hala’o hosi loron 05 to’o 21-agostu-2016.

 

SAPO TL ho SAPO Desporto