Liu tiha fulan haat, Thiago Alcantara tuir fali ona treinu

Médiu ho tinan 23 ne’e hala’o ona operasaun iha fulan maiu tinan kotuk, tanba rotura iha ligamentu hosi ain-tur los.

Foto: AFP@CHRISTOF STACHE


Futebolista internasionál españól Thiago Alcantara, hosi Bayern de Munique, ohin hahú treina fali ona bola, hafoin nia sofre problema iha ain-tur los durante fulan haat, tuir informasaun ne’ebé fó sai hosi klube aleman, iha sira-ninia pájina internet.

 

Médiu ho tinan 23 ne’e hala’o ona operasaun iha fulan maiu tinan kotuk, tanba rotura iha ligamentu hosi ain-tur los no tanba motivu refere, maka nia la halo parte iha Mundial2014, ne’ebé hala’o iha Brazil.

 

Iha fulan outubru, Thiago Alcantara, hala’o hikas operasaun ba ninia ain-tur los, tanba sente hikas moras hosi lezaun ne’ebé nia sofre uluk, bainhira perpara atu hala’o kompetisaun.

 

Jogadór ne’ebé transfere hosi FC Barcelona ba klube bávaro iha jullu 2013, joga iha jogu 25 hodi manan bikampeaun aleman futeból.

 

SAPO TL ho SAPO Desportu