Villarreal maka sei sai adversáriu Barcelona ba meias finais

Horisehik Barcelona elimina Atlético de Madrid.

 

 

Foto: EPA/Alberto Martin

Gerard Moreno marka golu úniku hosi jogu

 

Ohin dadeer Villarreal kualifika aan ba meias-finais hosi Taça do Rei iha España hodi manán Getafe 0-1 iha jogu segunda mão hosi kuartu finál, iha Estádio Coliseum Alfonso Pérez.

 

Úniku golu hosi jogu ne’ebé marka hosi Gerard Moreno, iha minutu 78, bainhira halo boot ida hosi defeza formasaun ne’ebé orienta hosi Quique Flores.

 

Ho totál eliminatória, “Submarino Amarelo” manán 2-0. Jogadór Bruno marka iha primeira mão.

 

Ho nune’e maka hafoin Barcelona manán tiha Atlético de Madrid horisehik, Villarreal maka sei sai hanesan adversáriu katalaun nian iha segunda prova futeból ne’ebé importante tebes hosi España.

 

Jogu primeira mão hosi’meias finais’ maka ona ba 11 Fevereiru, sei hala’o uluk jogu iha Camp Nou, no 04 Marsu sei joga segunda volta, iha Madrigal.

 

Fó hanoin katak Villarreal atuál sexto klasifikadu hosi liga española, enkuantu Barcelona maka sai vise-líder, iha Real Madrid nia kotuk.

 

SAPO TL ho SAPO Desporto

tags: